左腦右腦去書展

「嗯,趁今早書展十時開始,到會展走一趟也好!」
一心以為「早上應該比較少人」,怎知走進會展範圍感覺猶如上了賊船...
左腦:「去書局睇咪得囉,做咩同人迫啫?」
右腦:「我以為咁早會少人丫嘛,鬼知咁多人咁神心晨咁早嚟睇書咩?!我嚟睇吓有冇d特別書呀...」
心裡不高興,暗罵自己憨居,一個大禮堂竟然只是用來排隊,且於早上十時已經把這個大禮堂填得滿滿!真恐怖!

要看的書很多,想看的書就更多.同樣地可以買的書跟想買的書又不盡相同,經常為此腦交戰(即是痴線).
右腦:「嘩,呢d書好靚,好好睇呀~~」
左腦:「咪諗喇,成張枱咁大,抑係就成本黃頁咁厚!」
左腦所指是半張枱大但印刷精美的風景畫冊,黃頁厚的就是關於設計的書.當我還未在書中找到一間黃金屋之前,我想我暫時未能為它們提供良好的安身之所.

會場中,一邊走,一邊腦袋充滿疑問
右腦:「d明星真係識寫書架?劉德華出書都覺有d睇頭丫...嗰d"明星"我都唔識嘅!」
左腦:「咁你咪out囉,傅穎你都唔識,by the way,嗰本係寫真集,唔使點寫字!」
右腦:「既然blog可以上網睇,點解要出書,又點解又有人買呢?」
左腦:「鬼知咩!」

又繼續在會場中竄來竄去
左腦:「唔係呀化,咪徙錢啦,好悶架,你唔會睇架喇~~」
右腦:「講漢字,講正體字喎!我唔識,點去支持中國文化,點去支持沒落的正體字先?」
右腦勝,買了【漢字化繁為簡得不償失】(是,我是對正體字有點偏執,我重申是正體,不是繁體!)

到了英文書攤檔,
左腦:「買Donald Trump同富爸爸嗰本啦,有折!」
右腦:「車!本Jack Welch仲未睇完!成日都有折架啦!」
眼見有本面熟的書...
左腦:「你買過又買?」
右腦:「人地借咗唔還都無計架!」
如是者我又再一次買了兩本厚厚的paperback--Sherlock Holmes The Complete Novels and Stories Volume 1 & 2

轉戰第二個書檔,又見到很多熟口熟面的書,
左腦:「你買咗返屋企又未睇嗰d書呀,家陣有折呀!」左腦續道:「你好多書都係睇咗一半咋!」
右腦:「咪煩啦~~!」
想買,跟想閱讀又是兩碼子的事.
左腦:「喂!咪癲啦,你真係諗住買呢本書呀?」
右腦:「講真...唔係舊生,又有幾多人有興趣丫...?」
因為情意結,我買了【關愛華人--瑪利諾修女與香港1921-1969】

同時間受人所託,要買一本「公仔書」. 說得出這三個字的就等同暴露年齡,今時今日那有人將「公仔書」=「漫畫」? 還有,漫畫不是一套的麼? 如何可以只買一本呢?
一向不愛看漫畫,尤其是日本漫畫,看不明白,究竟是從哪個方向起看? 是先看字還是先看畫?
但我支持本地製作,到麥嘜的攤檔巡一巡,又一年失望而回,謝立文是閉關還是已經忘了大人的市場? 究竟還有沒有新作?
隨意走,隨意買了一本「公仔書」,想不到在一堆戰利品中,順手拈來的「公仔書」竟是最好看的!
那本公仔書是小克的【偽科學鑑証3之心上人】.

左腦:「你d收穫很奇呢...!」
右腦:「我都覺!」